राष्ट्रिय लोक सञ्चारकर्मी नेपाल, काठमाडौं उपत्यका समितिको गठन भएको छ। शनिबार अनिता कुमारी घिमिरेको अध्यक्षतामा नयाँ कार्यसमिति निर्वाचित भएको हो ।
निर्वाचनमा घिमिरेको नेतृत्वमा १७ सदस्यीय समिति निर्विरोध निर्वाचित भएको सञ्चारकर्मी नेपालका केन्द्रीय सचिव कमल सरगमले जानकारी दिए ।
समितिको वरिष्ठ उपाध्यक्षमा प्रेमराज लामिछाने, उपाध्यक्षमा मिलन खत्री, सचिवमा सन्जय पोखरेल, सहसचिवमा अनिता पुराकोटी, कोषाध्यक्षमा राहुल थापा र सह–कोषाध्यक्षमा सुरेश पन्त निर्वाचित भएका छन् ।
त्यस्तै सदस्यहरुमा इन्द्रजित पौडेल, आकृति आचार्य, विकास दमासे, गोपाल नेपाली, चक्रप्रसाद पोखरेल, लक्ष्मण शर्मा, विकास थापा र सन्तोष तामाङ निर्वाचित भए।
समितिको प्रचारप्रसार विभागको सचिवमा प्रकाश विश्वकर्मा र सदस्यमा निरोज गौतम निर्वाचित भएका छन्। कार्यक्रम संस्थाका केन्द्रीय अध्यक्ष चन्द्रमणि गौतमको सभापतित्व र संस्थाको संथापक अध्यक्ष गोविन्द गिरीको प्रमुख आतिथ्यतामा सम्पन्न भएको हो।
नेपाली लोकगित संगीतको व्यवसायिकतासँगै मौलाउँदो विकृतिमाथि खबरदारी गर्न र यस क्षेत्रलाई महत्त्व दिएर सञ्चारकर्मीहरूलाई एक बनाउन समिति गठन गरिएको केन्द्रीय सचिव सरगमले बताए ।