काठमाडौँ । समाजसेवी लोकबहादुर टण्डनले लेखेको “संघर्षमय जीवन” पुस्तकको अडियो संस्करण (Audio Book) सार्वजनिक गरिएको छ ।
ग्रीन सिटी अस्पतालका अध्यक्ष श्री लोकबहादुर टण्डनको जीवनी र सामाजिक योगदानलाई समेटेर तयार गरिएको यो पुस्तकको अडियो संस्करण काठमाडौँमा एक कार्यक्रममार्फत विमोचन गरिएको हो ।
कार्यक्रममा लेखक तथा समाजसेवी टण्डनले आफूले जीवनभर गरेको संघर्ष, सामाजिक सेवामा आएको चुनौती र अनुभवहरूलाई पुस्तकमार्फत पाठक तथा श्रोतालाई जोड्ने उद्देश्य राखेको बताए
।
कार्यक्रममा विभिन्न सामाजिक अगुवा, साहित्यिक व्यक्तित्व, स्वास्थ्यकर्मी,पत्रकार तथा स्थानीय सरोकारवाला व्यक्तिहरूको उपस्थिति रहेको थियो।
अडियो पुस्तक विमोचन कार्यक्रममा वक्ताहरूले टण्डनको सामाजिक सेवा, मानवीय सहयोग, विपदमापरेकाहरूको उद्धार तथा समुदायमैत्री सेवामा उनको भूमिका उल्लेखनीय रहेको बताउँदै उनको जीवनकथाले धेरैलाई प्रेरणा दिने धारणा व्यक्त गरेका थिए।
ग्रीन सिटी अस्पतालको आयोजनामा उक्त कार्यक्रम सम्पन्न भएको हो। कार्यक्रममा लेखक टण्डनले आगामी दिनमा अझ प्रभावकारी रूपमा सामाजिक सेवामा योगदान पुर्याउने प्रतिबद्धता व्यक्त गर्दै अडियो पुस्तकले समाजमा सकारात्मक सोच फैलिने विश्वास व्यक्त गरेकाछन ।
